News

መደ ወላቡ ዩኒቨርሲቲ ጎባ ሪፈራል ሆስፒታል ሚያዚያ 28/2009 ዓ .ም. በመደበኛ መርሃ ግብር ያሰለጠናቸውን 37 የህክምና ዶክተሮች ለመጀመሪያ ጊዜ አስመረቀ፡፡








መደ ወላቡ ዩኒቨርሲቲ ጎባ ሪፈራል ሆስፒታል ሚያዚያ 28/2009 ዓ .ም. በመደበኛ መርሃ ግብር ያሰለጠናቸውን 37 የህክምና ዶክተሮች ለመጀመሪያ ጊዜ አስመረቀ፡፡

በእለቱ በክብር እንግድነት የተገኙት የጤና ጥበቃ ሚኒስተር ተወካይና የሰው ሃብት ልማት ጄኔራል ዳይሬክቶሬት ዳይሬክተር ዶክተር ጌታቸው ቶሌራ በትምህርታቸው ብልጫ ላመጡ ተመራቂዎች የዋንጫና የሜዳሊያ ሽልማት አበርክተዋል፡፡

ዶክተር ጌታቸው በወቅቱ እንደገለፁት መንግስት በሀገርቱ የሚታየውን የህክምና በለሙያዎችን እጥረት በማቃለል ጥራት ያለው የጤና አገልግሎትን ለመህበረሰቡ ተደራሽ ለማድረግ በትኩረት እየሰራ ይገኛል ብለዋል፡፡

የዩኒቨርሲቲው ፕሬዝዳንት ዶክተር ሀብታሙ ተካ በበኩላቸው ዩኒቨርሲቲው ከ2007 ዓ.ም. ጀምሮ የጎባ ሪፈራል ሆስፒታል ያለበትን የህክምና ባለሙያዎች እጥረት ለማቃለልና ክህሎት ለማዳበር እያደረገ በለው ጥረት ወደ ሌላ አከባቢ በሪፈራል የሚላኩ ህሙማን በራስ አቅም ማከም እየተቻለ መሆኑን ጠቁመዋል፡፡

የጎባ ሪፈራል ሆስፒታል ዋና ዳይሬክተር ዶክተር አቡበከር ከድር በበኩላቸው ሪፈራል ሆስፒታሉ በአሁኑ ወቅት ከህክምና ዶክተሮች በተጨማሪ በጤና መኮንንነት በአምስት የጤና ዘርፎች ከ1ሺ600 በላይ ተማሪዎችን ተቀብሎ በማስተማር ላይ ይገኛል ብለዋል፡፡

በከፍተኛ መዕረግ ከተመረቁት መካከል ዶክተር አዲሱ ቂጤሳ በሰጡት አስተያየት “በተማርኩበት ሙያ ቦታን ሳልመርጥ መህበረሰቡን ለማገልገል ዝግጁ ነኝ ” ብለዋል፡፡

ሌላዋ ሴት ተመራቂ ዶ/ር ስንዱ ተስፋዬ በበኩሏ “ ራሴን በየጊዜው በማብቃት ህብረተሰቡ ከኔ የሚፈልገውን ጥራት ያለውን ህክምና አገልግሎት ለመስጠት ዝግጁ ነኝ ” ብላለች፡፡
Comments